Díana Ósk Óskarsdóttir starfar í dag sem faglegur handleiðari fyrir starfsfólk Landspítalans. En nýverið kláraði hún doktorsnám við Háskóla Íslands, félagsráðgjadeild sem hún gerði eigindlega rannsókn um faghandleiðslu.

Díana hefur í mörg ár starfað með fólki sem sjúkrahúsprestur, sem áfengis og vímuefna ráðgjafi, sérfæðingur í meðvirkni ofl.

Það er magnað að hlusta á Díönu þar sem hún nær að útskýra á svo djúpan en samt á máli sem allir geta skilið, hún er djúpvitur með mikla lífs og starfsreynslu og lætur sig mikið varða velferð annarra.

Það mætti segja að þessi þáttur séu 3 þættir í einum þætti þar sem við byrjum á að tala um mikilvægi faglegarar handleiðslu og hvað felst í henni. Við förum svo yfir í að fjalla um meðvirkni þar sem Díana útskýrir ítarlega margt tengd meðvirkninni. Svo færum við okkur í að tala um sorg, mismunandi sorg, sorgina að missa barn.

Þessi þáttur er í boði:

-Góðvildar - Styrktarfélagið Góðvild hefur það markmið að styðja við verkefni sem bæta hag langveikra og fatlaðra barna á Íslandi og fjölskyldna þeirra. Hægt er að styrkja Góðvild og með því er verið að styðja við fjöldann allan af verkefnum sem bæta hag langveikra og fatlaðra barna. 

godvild.is - Kt. 660117-2020 Reikn. 0301-26-660117

-Sjónarhóls - Ráðgjafarmiðstöðin Sjónarhóll er fyrir fjölskyldur barna með sérþarfir. Þjónustan er ókeypis og ekki er þörf á tilvísun. Það eru allir velkomnir.

Eitt helsta markmið Sjónarhóls er að stuðla að því að forráðamenn barna með stuðningsþarfir geti nýtt sér almenna lögbundna þjónustu og komist í samband við önnur úrræði sem gætu gagnast þeim.

sjonarholl.is