Il count-down da nossa emissiun davart nums e toponims ha cumenzà. Il favrer pudais vus tadlar anc las trais ultimas emissiuns. Ils 12 da favrer vulain nus anc ina giada guardar ils chalenders rumantschs ed ans smirvegliar, co che mintgin va sia atgna via per ils onomastics. En Engiadina numna il Chalender ladin per il di dals 12 da favrer Susanna per ils protestants, en Surselva figurescha en il Calender Romontsch catolic il num Ludan ed il Calender Per mintga di per las valladas renanas inditgescha per ils refurmads l'Eulalia. Il prenum Susanna enconuschain nus anc oz, sia collega martira Eulalia betg. Tgi sa ch'ella è la martira la pli venerada en Spagna? Ludan dentant represchenta ils pelegrins. Ma en sasez è questa confusiun en il chalendari stimulanta!

Ulteriurs temas:
- Susanna, Eulalia e Ludan