Curt avant il Chalandamarz finescha nossa emissiun «Da num e da pum» suenter 14 onns e mez. Quest long-seller ha procurà per numerusas bellas experientschas e per inscunters e contacts nunemblidaivels. Per l'ultima emissiun ma fatsch jau mamez ina dumonda sur dad in nas da grip en la Val d'Avras che jau ves davent da Pasqual, savens illuminà dals davos radis da sulegl. Mia dunna e jau numnain quella paraid-crap «El capitan», damai che quel grip en l'America sumeglia noss Piz la Mazza sper il Piz Grisch. Ma cun far retschertgas pli detagliadas, avain nus pir ussa emprais che tscherts abitants da la Muntogna da Schons numnan quella furmaziun «Il nas da l'Indian». Tgi sa pertge?

Ulteriurs temas:
- Il nas da l’Indian (Piz la Mazza)