Moi boas! Esta semana en Marmodcast temos a Jose Turvegal e o seu '' Diario Turvegal '', cun novo comentario. Seguimos cunha

nova entrega de Andrés Romero coa sección de '' O Recunchiño '', divertido e entretido coma sempre, onde falamos sobre a Gala e o Palmarés dos Premios Mestre Mateo así como dos Óscars, tamén unha pincelada de actualidade. Un breve paso pola experiencia de Andrés no programa Quen Anda Aí? da TVG, e como non de Recantos, dentro do Luar. Anunciamos oficialmente para todo o mundo o Concerto dos Recanteiros do Luar o Sábado 15 de Abril no Auditorio Manuel Dopazo de A Bandeira, Silleda, onde van estar: Arián, Oliver Insua, Isabel Barría, Izar Rodríguez, Moisés Cerezo, Mar Brey, Lucía García, Daniella Castro, Gloria Cespón, tamén Nerea Brecht, e coa actuación estelar, máis a presentación do evento a cargo do Ex Recanteiro, dende Silleda

o gran Mixel Lorenzo!

Audiovisualmente falando comentamos máis contidos que ten a produtora audiovisual galega Voz Audiovisual, coas series '' Urxencia Cero '' (e o seu spin-off '' Tac ''),

'' O Final do Camiño '', '' Nada É Para Sempre'',

'' A Estiba '', '' Néboa '', '' As Leis de Celavella '',

'' A Miña Sogra e Mais Eu '', '' A Vida Por Diante ''

e por último '' Terra de Miranda ''.

Así como as recomendacións de Andrés nas que salientamos a serie '' Cuarto Sen Ascensor '', a película

'' Matria '' e o podcast '' El Cuarto De Los ratones '', dirixido por Carlos Tresandí e presentado por Pablo Sangiao.

Na entrevista e conversa temos de convidada á actriz, directora e pedagoga Mariana Carballal.

Unha gran figura do audiovisual galego, fíxose moi popular a raíz da súa participación en '' Os Tonechos ''. Actualmente é profesora na Escola Superior de Arte Dramático de Galicia (A ESAD de Galicia), situada en Vigo. Precisamente cando se publica este podcast, o día 23 de Marzo é galardoada xunto a María Castro como Viguesa Distinguida, pola súa traxectoria no mundo Audiovisual e o da Interpretación, así como o seu

traballo e a defensa do Feminismo.

Falaremos con ela sobre estas cousas e máis, en conxunto para coñecer e saber máis cousas dende outro punto de vista.

Lembrade seguirnos en Instagram en , @soy_franfjrs_oficial, @andres9romero e en @fjrs_audiovisual.

Facebook nos perfís de Andrés

Romero Gallego e Fran RS.

music by audionautix.com

Este Podcast está subido a Castbox e a Google Podcast, e tamén en Podgalego. Plataformas e páxinas perfectas se queres comezar neste mundo tan interesante e que ten moito por descubrir.

Animámosvos a aventurarvos e crear contido!

E estade atentos cada semana ó novo episodio.

Xa sabedes, Marmodcast, O teu podcast!