Moi boas! Toca novo en Marmodcast e temos a Jose Turvegal e o seu '' Diario Turvegal '', cun novo comentario sobre a Festa da Sementeira, a das Nove Olas, ademais de ter a vista posta nas Eleccións Municipais e Autonómicas do 28 de Maio, das que falamos brevemente tamén.

Seguimos cunha nova entrega de Andrés Romero coa sección de '' O Recunchiño '', onde falamos da axenda festeira da semana xunto cos nosos grupos musicais galegos. Tamén pasamos un bo cacho co xogo do... Higher and Lower, Más o Menos, un dos máis famosos, (valga a redundancia), no último tempo.

Na entrevista e conversa temos de convidada á músico e cantante, Gloria Cespón. Estudante de frauta no Conservatorio Profesional de Música de Ribeira, así mesmo é parte da Banda de Música de Rianxo, toca a gaita na Banda de Gaitas Suevia e tamén desfrutamos dela en Óscar Ibáñez & Tribo.

Participante en Recantos dentro do programa Luar.

Falaremos con ela sobre estas cousas e máis, en conxunto para coñecer e saber máis cousas dende outro punto de vista.

Lembrade seguirnos en Instagram en , @soy_franfjrs_oficial, @andres9romero e en @fjrs_audiovisual.

Facebook nos perfís de Andrés

Romero Gallego e Fran RS.

music by audionautix.com

Este Podcast está subido a Castbox e a Google Podcast, e tamén en Ivoox xunto con Podgalego. As plataformas e páxinas perfectas se queres comezar neste mundo tan interesante e que ten moito por descubrir.

Animámosvos a aventurarvos e crear contido!

E estade atentos cada semana ó novo episodio.

Xa sabedes, Marmodcast, O teu podcast!