Neend nahi aati hai ab theek se, sone ki koshish to bht karta hoon par so nahi paata hoon...
Wo tumse baat krke sone ki aadat thi na 😅
Tumhe sula kar ya khud zabardasti tumse khudko sulwa kar, kabhi call par kabhi video call par ya kuch bhi nahi to chat krte hue hi...
Par ab neend nahi aati hai, mai dekhta rehta hoon ghadi ko 1 se 2, 2 se 3 hote hue, raat ke sannate me ghadi ki tik tik bhi saaf sunayi deti hai, dheere dheere raat bhi aur gehri ho jaati hai aur kabhi kabhi to raat se subha bhi ho jaati hai, sooraj ki kiran bhi mujhtak aajati hai bas teri yaad hai jo zehen se nahi jaati hai...
Bas sab ho jaata hai bas ek neend hai jo theek se nahi aati hai 😅
Din to kaat leta hoon mai jese tese, idhar udhar baith kr kabhi isse kabhi usse baat krke, kabhi padh kr kabhi likh kar par bas ye raat hai jo kat nahi paati hai, qki raat me teri yaad satati hai aur fir ye kambakht neend theek se nahi aati hai 😅