Hindi ba sapat ang kinikita mo sa iyong trabaho para sa mga bayarin sa inyong tahanan? O baka naman gusto mo lang talagang magkaroon ng extra income upang may maipandagdag ka sa iyong ipon?

Kung isa kang minimum wage earner, magandang ideya ang pagkakaroon ng side hustle. Bukod sa magkakaroon ka ng another source of income ay maiimprove mo rin ang sarili mo sa iba’t-ibang aspeto. ‘Di tulad ng karaniwang pangunahing trabaho ng mga Pilipino kung saan napipilitan silang isakripisyo ang kanilang dream job para sa mas praktikal na trabaho; sa mga side hustle, maaari mong magamit ang skills, talents, at hobbies na mayroon ka. Narito ang ilan sa mga side hustle na puwede mong subukan base sa iyong kakayahan.