Наступны госць "Супердудко" — празаік-авангардыст, перформер, лаўрэат прэміі Гедройца за раман “Libido” Ілля Сін. Удзельнік шматлікіх мастацкіх суполак, Ілля заўсёды схіляўся да радыкальных мастацкіх выказванняў, але апошнім часам прыйшоў да сюжэтнай прозы, што прынесла яму прэмію Гедройца.

Ілля Сін прыйшоў у літаратуру ў чатырнаццаць гадоў і стаў самым маладым удзельнікам першага пакалення Бум-Бам-Літа, знакамітага літаратурнага руху дзевяностых гадоў. Што гэта быў за рух, якія ў яго былі правілы, і чаму ён хаваў у сабе небяспеку для беларускага літпрацэсу тых часоў? Таксама пагутарым пра ўплыў індустрыяльнай музыкі на літаратуру і пра духоўнае ў мастацтве.

0:00 Глыбокія авангардысцкія карані рамана “Libido”. Першыя пяць кніг Іллі Сіна

1:44 Уплыў новай беларускай літаратуры, мадэрнісцкага крыла "Тутэйшых"

5:27 Нязмушаны, выпадковы пачатак Бум-Бам-Літа

9:00 Паходжанне псеўданіма

15:30 Самвыдат бумбамлітаўскай пары

19:50 Нараджэнне групы Schmerzwerk. Бум-Бам-Літ спляжыў усе межы і ўсе іерархіі

24:50 Бум-Бам-Літ загубіў беларускі літпрацэс?

33:15 Тэатр псіхічнай неўраўнаважанасці

36:38 Выдуманы музыка гурта Zoviet France

42:36 “Libido” вырасла з зярнятак, пасеяных у папярэдніх тэкстах?

46:15 Сувязь рэлігіі і авангарда