Мастакі, якія другі тыдзень працуюць на пленэры на Мазурах у мястэчку Вількасы на беразе маляўнічага возера Нягоцін, наладзілі прэзентацыю кнігі вершаў беларускага паэта Алеся Аркуша. Пленэр міжнародны – у ім удзельнічаюць мастакі з Польшчы, Беларусі, Украіны, ЛІтвы і Славакіі. У вечарыне ўзялі ўдзел таксама сябры студыі выяўленчага мастацтва з суседняга горада Гежыцка.

<figure class="wp-block-image size-large"><figcaption class="wp-element-caption">Дарыюш Жэйма, Алесь Аркуш і Эдвард Галустаў.</figcaption></figure>

Кажа кіраўнік пленэру, мастак Эдвард Галустаў:

– Спадзяюся, што і для Алеся гэта таксама новы досвед, бо я не думаю, што калісьці ён меў на сваёй прэзентацыі столькі мастакоў. Ужо чуў шмат цікавых водгукаў. Усім вельмі спадабалася. Тым больш усё ж такі для палякаў пачуць сапраўдную літаратурную беларускую мову – гэта быў такі новы досвед. І такі цудоўны пераклад.

Новы зборнік вершаў Алеся Аркуша «Чаму праўда такая слабая?» двухмоўны – па-беларуску і па-польску. Кнігу на польскую мову пераклала прафесар з Любліна Беата Сівэк. Па-польску вершы на прэзентацыі чытаў мастак з Торуні Дарыюш Жэйма. Кніга выйшла сёлета ў лонданскім выдавецтве “Скарына”.

<figure class="wp-block-audio"></figure>



<figure class="wp-block-image size-large"></figure>



<figure class="wp-block-image size-large"></figure>



<figure class="wp-block-image size-large"></figure>



<figure class="wp-block-image size-large"></figure>



<figure class="wp-block-image size-large"></figure>

Беларускае Радыё Рацыя

The post Алесь Аркуш прэзентаваў сваю новую кнігу на Мазурах сярод мастакоў appeared first on Рацыя.