Mannlegi þátturinn 21.júní 2017
Umsjón Guðrún Gunnarsdóttir og Lísa Pálsdóttir

Í dag eru sumarsólstöður, sem þýðir að sólin skín nánast allan sólarhringinn þar sem til hennar sést. Þór Jakobsson veðurfræðingur segir okkur frá sumarsólstöðum, hefðum og siðum og heimsókn í Viðey í kvöld í tilefnir dagsins, en Þór hefur farið margar ferðir í eyna á þessum tíma árs. Hann sest hjá okkur eftir stutta stund.


Landsmót UMFÍ fyrir fimmtíuára og eldri, fer fram í Hveragerði um helgina og undirbúningur stendur sem hæst. Á mótinu er ekki bara keppt í hefðbundnum íþróttagreinum heldur getur maður verið gjaldgengur pönnukökubakari og einnig er hægt að keppa í Bókakasti. Nánar um mótið hér á eftir. Ómar Bragi Stefánsson landsfulltrúi verður á línunni hjá okkur.


Sumartónleikaröð Múlans er komin í gang á Björtuloftum, 5. hæð Hörpu og í kvöld munu meðal annars meðlimir Gúmbó og Steina stíga á svið. Við kíktum á æfingu til þeirra í gær, sem fram fór í bílskúr í Hvassaleiti.
...