Mannlegi þátturinn 09.júní 2017
Umsjón Gunnar Hansson og Guðrún Gunnarsdóttir

Í kvöld verður í beinni útsendingu á RÚV Dagur rauða nefsins, söfnunarþáttur fyrir UNICEF, barnahjálp Sameinuðu þjóðanna. Þetta verður glæsileg dagskrá, full af skemmtilegum innslögum þar sem margir fremstu grínarar þjóðarinnar leggja sitt af mörkum fyrir þennan góða málstað. Föstudagsgestir Mannlega þáttarins að þessu sinni verða þau Gísli Marteinn Baldursson og Halla Oddný Magnúsdóttir, sem verða aðalkynnar þáttarins og við forvitnumst um hverju við megum eiga von á í kvöld.

Og við sláum einnig á þráðinn til Panama þar sem Stefán Stefánsson starfar á Svæðisskrifstofu Unicef, hann segir okkur frá starfseminni hér á eftir.

Andrea Eyland Sóleyjar- og Björgvinsdóttir skrifaði áhugaverða meistararitgerð í námi sínu í Menningarstjórnun í Háskólanum á Bifröst um hlutverk og ímynd flugfreyjunnar, sem hefur verið sveipað vissum dýrðarljóma frá því að hún kom fyrst fram. En hver er saga flugfreyjunnar? ...