Entant ch'i vegn dà ballape en ils stadions da la Germania, essan nus en gir per las vias da Berlin. Quai per mussar in'autra vart da la Germania ma era per emprender ad enconuscher noss vischins.

La Segunda Guerra mundiala e pli tard la Guerra fraida han marcà la Germania e sia chapitala Berlin. Davos mintga segunda chantunada spetga l'istorgia. Dentant sa manifestescha quella en paucs lieus da maniera uschè condensada sco en il Reichstag, il palaz dal parlament tudestg.
Mareile Van der Wyst ha adina access liber al Reichstag, e quai era sch'ella na fa betg part dal parlament. Ella sto mo mussar ses attest da naschientscha. Quest privilegi ha ella sco «Reichstagsbaby», naschida il 1944 en il tschaler da questa chasa. L'istorgia da Mareile Van der Wyst e dal Reichstag sco er inscunters cun persunas per las vias da Berlin, d'udir en questa «Marella».