Unsick podcast #20: Агаарын бохирдолд агуулагдах хүхэрлэг хий (SO2) хүний эрүүл мэндэд хэрхэн нөлөөлдөг вэ?
Description
Сүүлийн жил Улаанбаатар хотын утаа буурч зарим нэг хүмүүс ам сайтай байна. Статистикаас харахад 1м3 агаарт агуулагдах РМ2.5, РМ10 тоосонцрын хэмжээ буурсан боловч хүхэрлэг хийн (SO2) агууламж өмнөх жилүүдийн дунджаас 2-3 дахин ихэсжээ. Тэгвэл энэ удаагийн дугаараар хүхэрлэг хий (SO2) хүний эрүүл мэнд, тэр дундаа амьсгалын замд хэрхэн нөлөөлдөг талаар бэлтгэв. Хүхэрлэг хий агаарт агуулагдах хэмжээнээс хамаарч хүний эрүүл мэндэд харилцан адилгүй нөлөө үзүүлдэг. Тухайлбал, 1м3 агаарт хүхэрлэг хийн (SO2) агууламж 500мкг-аас дээш хэмжээтэй болоход амьсгалын замын намираа хучуур эсийн үйл ажиллагаа алдагдаж, улмаар халдварт өртөх магадлал нэмэгдэх, гуурсан хоолойн багтраа өвчин (астма) сэдрэх, гуурсан хоолойн архаг үрэвсэл даамжрах сөрөг нөлөөтэй. Харин хүхэрлэг хийн агууламж (SO2) 1м3 агаарт агуулагдах хэмжээ >250 мкг дээш хэмжээтэй агаарын бохирдолтой бүс нутагт удаан хугацаагаар амьдрахад амьсгалын зам өвчлөмтгий болох, гуурсан хоолойн багтраа үе үе сэдрэх, гуурсан хоолойн архаг үрэвсэл архагших зэрэг сөрөг нөлөө ажиглагддаг болохыг судалгаагаар тогтоожээ. Харин хүхэрлэг хийн агууламж (SO2) 1м3 агаарт 50мкг-аас доош хэмжээтэй бол хэвийн хэмжээнд байна хэмээн үздэг.
United States
