“Лимит” ё маҳдудияти мавсимии барқ, зуд-зуд қатъ шудани он ва ё ҳаттопайваст набудан ба хати барқ ҳанӯз ҳам воқеияти имрӯзи мост. Махсусан, дардеҳот ин заҳмати хеле гарон аст, ки асосан бар дӯши занон ва кӯдакон аст.

Тасаввур кунед, дар баъзе деҳаҳо ҳатто обро танҳо аз чашмае овардан мумкин,ки якчанд километр дур аст ва барои гарм кардани он танҳо ҳезум истифода бурдаметавонед.

Суҳбати имрӯзаи мо дар нашри навбатии подкасти “Включи солнце!” дар бораи он аст,ки чӣ тавр технологияҳои офтобӣ метавонанд зиндагии ҳаррӯзаро ноаён, вале пурратағйир диҳанд.

Диловар Маъмуров, директори иҷрояи Ассотсиатсияи манбаъҳои барқароршавандаиэнергетикӣ, меҳмони барномаи мо гуфт, энергияи офтоб вақтро сарфа мекунад,роҳат ва оромиш мебахшад.

Ҳамчунин шарҳ дод, ки чӣ тавр технологияҳои офтобӣ метавонанд бехатарӣ дарҳавлӣ, рӯшноӣ дар синфхонаи мактаб, оби гарм барои шустушӯи кӯдакон ва имкони бештарбарои занонро фароҳам оварда метавонад.

Мутахассис қайд намуд, ки истифодаи нерӯи офтоб ду намуд мешавад: табдилинерӯи офтоб ба барқ ва табдили нерӯи офтоб ба гармӣ.

Ба гуфтаи ӯ, ҳоло дастгоҳҳои офтобие низ ҳастанд, ки барои кашидани об вагарм кардани он истифода мешаванд.

“Ҳоло дар бозорҳои мо дастгоҳҳое ҳастанд, ки бо ғунҷоишҳои гуногун бароигарм кардани об нигаронида шудаанд. Бо истифодаи он дар деҳот дигар ба ҳезумудигар сӯзишворӣ эҳтиёҷ намемонад. Ин аз як тараф сарфаи вақту қувваи инсонӣбошад, аз ҷониби дигар барои ҳимояи муҳити зист низ муфид аст”,- қайд намудДиловар Маъмуров.