Музей Падляшскі ў Беластоку пачаў рэалізацыю маштабнага праекта па лічбаванні сваіх унікальных калекцый. У інтэрнэце стане даступна каля 21 тысячы экспанатаў — ад татарскіх і яўрэйскіх артэфактаў да ікон, фатаграфій, нумізматыкі і археалагічных знаходак.

<figure class="wp-block-image size-large"></figure>

Кажа дырэктар музея Вальдэмар Вільчэўскі:

– Ёсць праекты, для рэалізацыі ў межах праграмы еўрапейскіх фондаў для лічбавага развіцця. Галоўная мэта гэтага праекту – павелічэнне даступнасці і выкарыстання ўнікальнай культурнай спадчыны Падляшша. Важным аспектам з’яўляецца захаванне гэтай спадчыны на выпадак розных катаклізмаў, якія ўсё часцей здараюцца, але нават і ад звыклых пашкоджанняў, якія немагчыма выключыць.

Па словах кіраўніцы праекта і намесніцы дырэктара музея Крыстыны Ставецкай, сярод мэтавых груп — і беларусы, як нацыянальная меншасць Падляшша, якія змогуць вольна карыстацца адлічбаванымі фондамі:

– Верым, што нашыя зборы могуць дапамагаць у творым развіцці, у тым ліку і для прадстаўнікоў нацыянальных меншасцяў, якія пражываюць у нашым рэгіёне – беларусы, украінцы, татары. А таксама для пенсіянераў, якія апошнім часам усё больш актыўней карыстюцца лічбавымі тэхналогіямі.

Праект носіць назву «Культурная спадчына Падляшша — лічбаванне і прэзентацыя збораў Музея Падляшскага ў Беластоку» і фінансуецца з фондаў Еўрапейскага Саюза і дзяржаўнага бюджэту. Агульны кошт — больш за 4,5 млн злотых, з якіх 3,5 млн — гэта еўрапейскія сродкі. Усе адлічбаваныя калекцыі будуць размешчаныя на новай інтэрнэт-старонцы музея і будуць даступныя бясплатна для ўсіх карыстальнікаў.

Цалкам матэрыял:

<figure class="wp-block-audio"></figure>



<figure class="wp-block-gallery has-nested-images columns-default is-cropped wp-block-gallery-1 is-layout-flex wp-block-gallery-is-layout-flex">
<figure class="wp-block-image size-large"></figure>



<figure class="wp-block-image size-large"></figure>



<figure class="wp-block-image size-large"></figure>



<figure class="wp-block-image size-large"></figure>



<figure class="wp-block-image size-large"></figure>



<figure class="wp-block-image size-large"></figure>



<figure class="wp-block-image size-large"></figure>



<figure class="wp-block-image size-large"></figure>
</figure>

Беларускае Радыё Рацыя

The post Падляшскі Музей у Беластоку адлічбуе амаль 21 тысячу экспанатаў appeared first on Рацыя.