Другое пасяджэнне VII Усебеларускага народнага сходу адбудзецца ў Менску 18–19 снежня 2025 года. Як паведамляе БелТА, адпаведнае распараджэнне падпісаў старшыня сходу — Аляксандр Лукашэнка.

<figure class="wp-block-image size-full"></figure>

Палітолаг Павел Усаў адзначае, што Усебеларускі народны сход — гэта квазі-канстытуцыйны орган, які ў рэальнасці не мае дэмакратычнай легітымнасці і выкарыстоўваецца ўладамі як інструмент палітычнай дэкарацыі:

-Нічога надзвычайнага ў тым, што будзе праведзены Усебеларускі народны сход, а варта прыгадаць, што папярэдні праводзіўся ўвесну бягучага году, няма. То бок, пакуль што можна разглядаць гэта выключна як руціннае мерапрыемства, якое Лукашэнка, па сутнасці, вымушаны праводзіць, разумеючы бессэнсоўнасць дадзенага інстытута. Лукашэнка будзе хваліцца перамогамі, што Беларусь не зламілі. Усё гэта будзе традыцыйнае прапагандысцкае шоў, але тым не менш, звычайна такія мерапрыемствы звязаныя з тым, што ў Беларусі адбываюцца нейкія непапулярныя працэсы, якія патрабуюць легітымізацыі.

Першае пасяджэнне УНС прайшло летась 24–25 красавіка, упершыню пасля таго, як сход атрымаў статус канстытуцыйнага органа у выніку зменаў у Канстытуцыю, прынятых на рэферэндуме 2022 года. Другое пасяджэнне першапачаткова планавалася правесці сёлета ў красавіку, але яго перанеслі амаль пад самыя навагоднія святы.

Цалкам гутарка:

<figure class="wp-block-audio"></figure>

Беларускае Радыё Рацыя

The post Для чаго Лукашэнка зноў склікае Усебеларускі народны сход? appeared first on Рацыя.