У Польшчы працягваецца прыём і разгляд заяваў на міжнародную абарону ад грамадзян Беларусі. Гэта было пацверджана сёння, 14 кастрычніка, на рабочай групе па пытаннях легалізацыі беларусаў пры Міністэрстве ўнутраных спраў Польшчы. Удзельнік сустрэчы, дарадца Святланы Ціханоўскай, Леанід Марозаў растлумачыў, чаму ўзніклі ранейшыя версіі пра «замарожванне» тэрмінаў:

<figure class="wp-block-image size-large"><figcaption class="wp-element-caption">Леанід Марозаў/ Фота: Офіс Святланы Ціханоўскай</figcaption></figure>

– Яны кажуць, што мы проста не паспяваем займацца вось гэтай адміністрацыйнай справай і  адказваць, кажуць “чакайце”. І таму яны працягнулі на 15 месяцаў гэты тэрмін. Не адказваюць на кожны такі запыт, у гэтым і ўся справа. А далей працэдура працуе. У іх штотыдзень атрымліваецца разглядаць 50 кейсаў і прымаць рашэнні па такіх заявах. А ўжо людзі, якія не прачыталі гэтую паперу, а пачалі заяўляць, не ведаючы, што, на мой погляд, няправільна.

На сустрэчы таксама абмяркоўваліся пытанні кароткачасовых выездаў з Польшчы падчас разгляду справы, прымянення Дублінскага рэгламенту да беларускіх заяўнікаў, праблемы палітычных зняволеных, страты пашпарта або заканчэння старонак у беларускім дакуменце. Польскі бок выказаў гатовасць разгледзець магчымыя адміністрацыйныя рашэнні ў гэтых выпадках.

Цалкам матэрыял:

<figure class="wp-block-audio"></figure>

Беларускае Радыё Рацыя

The post “Польшча працягвае прымаць заявы беларусаў на міжнародную абарону” appeared first on Рацыя.