12 лістапада — Дзень памяці Рамана Бандарэнкі, беларускага актывіста, які быў забіты пяць гадоў таму ў Менску за бел-чырвона-белы сцяг. На знак памяці ў Луцкім нацыянальным тэхнічным універсітэце ва Украіне адбудзецца адкрыццё выставы «Гісторыя беларускага супраціву».

<figure class="wp-block-image size-large"></figure>

Пра значэнне выставы і постаці Рамана Бандарэнкі кажа кіраўнік беларускага дабрачыннага фонду «Вільна Білорусь» Аляксей Францкевіч:

-Так супала дата адкрыцця з гадавінай смерці Рамана Бандарэнкі. Гэта чалавек, які стаў сімвалам пратэсту 2020 года. Сёння мы пра гэта згадаем і распавядзем больш тут, на Валыні.

Пасля адкрыцця выставы пройдзе круглы стол, дзе ўдзельнікі абмяркуюць супольную гісторыю, агульны досвед барацьбы і агульнага ворага. Журналіст Андрэй Мядзведзеў адзначае:

-Раман Бандарэгка аддаў сваё жыццё менавіта за ідэалы свабоды і за ідэалы нацыянальнай ідэнтычнасці. Таму шт ён пацярпеў за барацьбу менавіта за колеры нацыянальнага сцяга. Украіна ваюе не столькі за тэрыторыі ці за нешта яшчэ, яна ваюе за захаванне сваёй нацыянальнай ідэнтычнасці.

<figure class="wp-block-image size-full"></figure>

12 лістапада — дзень памяці не толькі ў Беларусі, але і ва ўсім свеце, дзе праходзяць акцыі ў гонар Рамана Бандарэнкі. У Беластоку беларуская дыяспара запрашае на акцыю памяці ахвяраў рэжыму Лукашэнкі. Яна адбудзецца а 18:00 на skwer Wolnej Białorusi, 1, Białystok.

Цалкам матэрыял:

<figure class="wp-block-audio"></figure>



<figure class="wp-block-gallery has-nested-images columns-default is-cropped wp-block-gallery-3 is-layout-flex wp-block-gallery-is-layout-flex">
<figure class="wp-block-image size-large"></figure>



<figure class="wp-block-image size-large"></figure>



<figure class="wp-block-image size-large"></figure>



<figure class="wp-block-image size-large"></figure>



<figure class="wp-block-image size-large"></figure>



<figure class="wp-block-image size-large"></figure>
</figure>

Беларускае Радыё Рацыя

Фота з архівa Аляксея Францкевіча

The post 12 лістапада — Дзень памяці Рамана Бандарэнкі appeared first on Рацыя.