Mannlegi þátturinn 06.júní 2017
Umsjón Guðrún Gunnarsdóttir og Gunnar Hansson

Lesandi vikunnar er fastur liður hjá okkur á mánudögum og þar sem þetta er vinsæll liður í eyrum hlustenda, gleðjum við þá með því að bjóða uppá lesandann í dag. Og það er engin annar en handritshöfundurinn og grínarinn Sigurjón Kjartansson sem sest hjá okkur hér á eftir. Við forvitnumst um hvað hann er að lesa þessa dagana, hvað er á náttborðinu hjá honum, hvað hann hefur lesið í gegnum tíðina og hvaða höfundar hafa haft áhrif á hann.

Kristín Einarsdóttir, okkar kona á Ströndum hitti Jenný Jensdóttur sem býr á Drangsnesi og vinnur á skrifstofu Kaldrananeshrepps. Jenný hefur stærstan hluta ævi sinnar barist við ofþyngd og náði fyrst góðum árangri í þeirri baráttu þegar hún kynntist matarfíklamiðstöðinni. Við heyrum hennar sögu hér á eftir.

Samkvæmt upplýsingum frá Náttúrufræðistofnun Íslands fannst skógarmítill fyrst hér á landi á farfugli 1967. Á síðari árum hefur hann fundist af og til, ein...