З аднаго боку, 800+ павінны атрымоўваць тыя, хто мае працу і спраўна плаціць падаткі і чые дзеці ходзяць у польскія школы і дзіцячыя садкі. З іншага боку, не ўсе так хутка адаптуюцца, не ўсе маюць патрэбу быць афіцыйна прынятым на працу, хочуць будаваць бізнес ці займацца выключна выхаваннем дзяцей.

<figure class="wp-block-image size-large"><figcaption class="wp-element-caption">Фота: Shutterstock</figcaption></figure>

Гэта меркаванні беларусаў адносна паправак у закон ў справе атрымання сацыяльнай выплаты для замежнікаў 800+. Сваімі думкамі падзяліліся беларусы, якія жывуць у Польшчы.

Лізавета Данілеўская:

-Калі шчыра, я вельмі незадаволена гэтымі новымі законамі, таму што розныя бываюць абставіны і сітуацыі. Нягледзячы на тое, што я з Беларусі, я сябрую з людзьмі, якія ўжо даўно прыехалі з Украіны.  І ні ва ўсіх ёсць мажлівасць працаваць, напрыклад, афіцыйна. Нават калі людзі ўладкаваліся і працуюць, і палякі не хочуць афіцыйна афармляць чалавека, зараз атрымліваецца, што нехта з сям’і зараз павінен шукаць іншую працу, шукаць афіцыйнага ўладкавання дзеля таго, каб атрымліваць гэтыя 800+.

Аляксандр:

-Стаўлюся да праграмы добра, бо гэта для нас была добрая дапамога, калі мы толькі пераехалі ў Польшчу. А зараз у гэтых абмежаваннях я не бачу асаблівага сэнсу.

Згодна апошніх зменаў польскага заканадаўства, каб замежнік, у тым ліку грамадзянін Беларусі ці Украіны, мог атрымаць 800+, ён павінен будзе выканаць тры ключавыя ўмовы. Мусіць быць актыўным у плане працы, зарабляць мінімум 50 працэнтаў мінімальнага заробку і дзеці павінны быць інтэграванымі ў польскую сістэму адукацыі.

Цалкам гутарка:

<figure class="wp-block-audio"></figure>

Беларускае Радыё Рацыя

The post Дапамога для замежнікаў 800+ – не для ўсіх appeared first on Рацыя.