من الإساءات اللفظية إلى أقسى أنواع التعذيب.. قدم سجن صيدنايا مبرراً منطقياً لإطلاق تسمية "مسلخ بشري " عليه.قصّ ناجون لمونت كارلو الدولية عذاباتهم في الزنازين و انتظارهم اليومي لأجلهم الأخير. مراسلنا عدي منصور كان هناك وعاد بهذا الريبورتاج

رغم إعلان الدفاع المدني السوري انتهاء عمليات البحث عن مفقودين في سجن صيدنايا الوحشي، ما زال السوريون يتوافدون إلى هناك بحثا عن ذويهم الذين اعتقلهم الأسد. الهارب أحمد.ع : اعتقلته الأفرع الأمنية مطلع عام 2017 وأخرجته المعارضة في الثامن من الشهر الجاري. التقته مونت كارلو الدولية وحدثنا عن أشكال التعذيب وطرق التصفية داخل السجن الأحمر:

كانت التعذيب والضرب بهدف القتل. آخر مرة فاتوا علينا بالليل الساعة 12 بالليل بدؤوا بإخراج المعتقلين من الاجنحة، كان في دكتور اسمه الدكتور لجين خير بيك. هاد الدكتور كان هو اللي أعدم اغلب معتقلين صيدنايا. طريقة القتل بالهراوات. أو بالدواء، إذ يطحن الدكتور 10 حبات حساسية ويشربها للمعتقل بالإجبار، ليموت بعد ذلك.

لم يصدق خليل.ق إنه خرج من سجن صيدنايا بعد أربع سنوات من الاعتقال واصفا اسوأ لحظاته هناك:

في عالم انعدمت ما عملت شي. على الرقم. ييجلسونهم  دون أكل ومن دون شرب 3 أيام حتى تتلف أعصابهم. يطلعوهن من الأجنحة  بعد صلاة الصبح. يفتحوا الباب. اللي يطلع اسمه يطلعت على الإعدام. ما طلع اسمك الله طلع فيك. وكذلك من شهر لشهر. أو من شهرين لشهرين. تستنى هذه اللحظة. تشوف طلع اسمك أو لا. وكل ما يطلع اسمك تتنفس. كانوا يربطونا بجنزير كل 15 يوم.

طارق اعتقله النظام وهو بعمر التاسعة عشر وحرر بعد 11 سنة وسبعة أشهر. خرج من صيدنايا إلى سجن عدرا وثم السويداء بوزن خمسة وثلاثين كيلو غرام:

يعني في عدة أنواع للتعذيب: يفوتوا مثلا يضلوا يضربوا فيه يضربوا فيه مثلا بتلاقي تكسر بس بيضل عايش  ليومين أو تلاتة بعدين بيموت. اما اذا طلب السجان من أحد إنو ينام على ظهرو  اعتبره مات. انتهى. لأنه إن قال له على ضهرك في طريقتين يا بدو يدعس على صدره لحتى يطبقوا على ضهره. يا إما بيحطوا له الهراوات على رقبته فيها هيك هراوة سوداء كبيرة  كتير تقيلة يعني بيحطوا على رقبته يدعس على طرف وبعدين بينط على الطرف التاني، بضل حوالي ساعة وساعة ونص، يعني ما في أوكسجين هيك بكون الأوكسجين قليل جدا اللي عم يفوت، ممنوع حدا يطلع لورا نهائيا. اللي بيشوف وجه السجان بيموت فورا فورا بدون نقاش.

فر الأسد كاشفا سقوطه عن أقسى ما يمكن أن يتخيله عقل بشري من طرق تعذيب وقتل لشعب كان قد ادعى مرارا أنه في عيونه.