Платформа Банк Ідэй правяла анлайн-дыскусію «Ці ёсць у Беларусі геапалітычны выбар?». Падчас сустрэчы экспертка Цэнтра новых еўразійскіх стратэгій Кацярына Глод выказала аптымістычны погляд на перспектывы еўрапейскай інтэграцыі Беларусі.

<figure class="wp-block-image size-large"></figure>

Паводле яе, пры спрыяльным збегу эканамічных фактараў і пры прыкладзе Малдовы і Украіны, Беларусь у перспектыве таксама зможа стаць часткай Еўрапейскага Звяза:

-У пачатку 2010 года Малдова была цалкам залежнай ад расейскага газу і расейскага рынку. 70% гандлю Малдовы ішло на краіны СНД. Ужо ў 2023 годзе структура цалкам змянілася. Тое ж самае і з Украінай.

Старшыня рады Цэнтра новых ідэй Антон Раднянкоў выступіў з больш песімістычнай ацэнкай, адзначыўшы, што адрыў Беларусі ад Расеі будзе адбывацца не па эканамічнай, а па лініі бяспекі — і ў гэтым сэнсе Еўропа пакуль не гатовая “адваяваць” Беларусь у Масквы»:

-Хочам мы нейтралітэт ці не хочам, ці хочам мы ў Еўропу – мы зараз пад каўпаком Расеі. Механізмаў, якія спыняюць Расею ад напада, у малой краіны няма іх, і ва Украіны іх не было ні ў 2013 ні ў 2022 годзе. Расея адчувала, што яна можа гэта зрабіць. Ці гатова Еўропа змагацца за постсавецкую прастору, за Беларусь? Не гатова.

Удзельнік сустрэчы Андрэй Ягораў даў свой прагноз развіцця рэгіёну, мяркуючы, што Украіна ўступіць у Еўрапейскі Звяз не раней за Беларусь, бо абедзве краіны сутыкаюцца з падобнымі сістэмнымі выклікамі і залежнасцямі. Удзельнікі дыскусіі пагадзіліся, што еўрапейскі вектар застаецца для Беларусі лёсавырашальным.

Цалкам гутарка:

<figure class="wp-block-audio"></figure>

Беларускае Радыё Рацыя

Фота аўтара:

The post Ці мае Беларусь еўрапейскую перспектыву? appeared first on Рацыя.