Fram og til baka 4 febrúar 2018

Umsjón Felix Bergsson og Margrét Blöndal

Lag dagsins - Ordinay World - Duran Duran

Fimman - Oddný Sturludóttir menntunarfræðingur og píanókennari

Fimman hennar Oddnýjar var tónlist. Hún talaði um tónlistarmenn og hljómsveitir, já og bætti einum tónlistarkennara inn í mixið. Svona var listinn:
Björk og Biophilia
Jeff Buckley
Svana Víkingsdóttir, frábær tónlistarkennari
Sinfóníuhljómsveit Íslands
Hljómsveitin Ensími

Alþjóðlegi krabbameinsdagurinn

Sunnudagurinn 4. febrúar er Alþjóðlegi krabbameinsdagurinn. Af því tilefni býður Krabbameinsfélag Íslands almenningi í heimsókn í Skógarhlíð 8 kl. 13:00-15:00 . Félagið skorar einnig á stjórnvöld að beita sér fyrir auknum forvörnum gegn krabbameinum og hvetur almenning til að skrifa undir áskorunina. Halla Þorvaldsdóttir, frkvstjóri Krabbameinsfélagsins kom í kaffispjall og sagði af baráttunni við krabbamein á Íslandi og dagskrá dagsins.


Fréttagetraun - verðlaunin fóru til Guðlaugar Árnmarsdóttur


Tímaflakk Fram og til baka 1963 73, 83, 93

Í tímaflakkinu var þessi vika, 4.-11. febrúar heimsótt á árunum 1963, 1973, 1983 og 1993.
Unglingar voru í forgrunni og Æskulýðsráð Reykjavíkur hafði af þeim miklar áhyggjur árið 1963. Við heyrðum bréf úr Vikunni og kveðju úr Lögum unga fólksins. Mezzoforte voru að slá í gegn í Bretlandi og svo var það konan sem bjargaði lífi mannsins síns með því að nota drullusokkinn á ögurstundu.