Fram og til baka 25.02.2018

Umsjón Felix Bergsson og Margrét Blöndal

Lag dagsins - Missing, Everything but the girl frá 1996

Fimman - Silja Bára Ómarsdóttir stjórnmálafræðingur. Fimman hennar voru ferðalög í gegnum tíðina
1 Danmörk, Svíþjóð og Þýskaland í barnæsku
2 Túnis í stúdentsferð með MH.
3 Bílferðir um Bandaríkin. Silja Bára keyrði yfir landið á flutningabíl.
4 Brúðkaup í Rússlandi, nánar tiltekið St. Pétursborg
5 Kína, Víetnam og Malasía með systkinum hennar

Viðtal - Eddan 2018. Þórarinn B Þórarinsson blaðamaður spáði í spilin fyrir Edduhátíð kvöldsins

Fréttagetraun - enginn sigurvegari því enginn náði að klára þrjár spurningar.

Tímaflakk 1966, 1976, 1986, 1996

Tímaflakk dagsins kom niður í þessari síðustu viku febrúar árin 1966, 1976, 1986 og 1996. Ella Fitzgerald kom við á Íslandi en aðsókn á tónleika var dræm og kenndu menn háu miðaverði um. Ella kvartaði líka yfir kuldalegum móttökum áhorfenda. Þá vöruðu balletdansarar við hinum stórhættulega jazzballett og hvöttu foreldra að halda börnum sínum frá svo hættulegri iðju. Elizabeth Taylor skildi enn á ný við Richard Burton, Palme var myrtur og Íslandsmótið í þolfimi fór fram í Höllinni. Allt þetta og miklu meira í Fram og til baka dagsins.