Fram og til baka 18.02.2018

Umsjón Felix Bergsson og Margrét Blöndal

Lag dagsins - Olivia Newton John - Physical

Fimman - Helga Möller söngstjarna. Fimman hennar eru söngkonur sem hafa haft djúp áhrif á hana í gegnum tíðina. Uppáhalds söngkonur Helgu eru:

Janis Ian
Carol King
Joni Mitchelle
Barbara Streisand
Adele

Reynir Þór Eggertsson var í símanum og ræddi lögin sem komust áfram í Söngvakeppninni í gærkvöldi. Reynir Þór lét gamminn geysa og hafði miklar skoðanir. Til dæmis fannst honum lögin þrjú sem komust áfram mun lakari en þau þrjú sem eftir sátu.

Fréttagetraunin var á sínum stað og Enok Sigurgeir Klemenson tók verðlaunin

Í tilefni konudagsins gáfum við blómvendi frá Íslenskum blómabændum og gjafabréf frá Grænum markaði, Kormáki og Skildi, Lín Design og Marshal Restaurant.

Tímaflakk dagsins var til þessarar viku árin 1962, 72, 82 og 92. Við heyrðum lagið Duke of Earl sem seinna varð Djús í glas og Midnight in Moscow sem síðar varð Nótt í Moskvu. Einnig heyrðum við ýmsar útgáfur af laginu The Lion Sleeps Tonight. Jónatan Garðarsson sagði okkur frá Svanfríði og stjörnuspá Jeane Dixon hjálpaði okkur inn í daginn.