ዝምታ ሰባሪ አዳጊ ሴቶች: ባህሎቻችን በአዳጊ ሴቶች አይን
Update: 2023-09-01
Description
በሀዋሳ ከተማ ነዋሪ የሆኑት የ15 ዓመቷ ታዳጊ ረድኤት አበራ እና የ17 ዓመቷ ናዝራዊት ከበደ በሚኖሩበት ማህበረሰብ ውስጥ የሚገኙ ባህላዊ ልማዶች ሁለት አይነት መልክ አላቸው ይላሉ፡፡ ረድኤት እና ናዝራዊት ዶቼ ቬለ DW በሚያዘጋጀው የዝምታ ሰባሪ አዳጊ ሴቶች ዝግጅት ጋር በነበራቸው አጭር የውይይት ቆይታ ባህላቸው በጎ ሊባሉ የሚችሉ ተግባራት የሚበዙበት ሥለመሆኑ ጠቅሰዋል ፡፡ በተለይ በዓላትን በጋራ ማክበር ፣ እቁብ በመሰብሰብ በኢኮኖሚ መደጋገፍ ፤ እንዲሁም ለቅሶ የመሳሰሉ ችግሮች ሲያጋጥሙ በዕድር አማካኝነት ሐዘንን መጋራት አብሮነትን የሚያጠናክሩ እሴቶች እንደሆኑ ታዳጊዎቹ ገልጸዋል ፡፡ ያም ሆኖ ሊቀሩ ወይም ሊሻሻሉ የሚገባቸው ልማዶች አሉ የምትለው ታዳጊረድኤት “ በተለይ በማህበረሰቡ ውስጥ ለሴት ልጅ ያለው ያልተገባ አመለካከት፣ እንዲሁም የግርዛትና የጠለፋ ድርጊቶች በዋናነት የሚጠቀሱ ናቸው “ ብላለች ፡፡አንደ ባህል ሊሻሻሉ የሚገባቸው ልማዶች መኖራቸውን የምትናገረው ናዝራዊት በበኩሏ “ በጊዜ አጠቃቀም ላይ ያለን ዝቅተኛ ግንዛቤ እንዲሁም ደካማ የሥራ ባህል ይስተዋልብናል ፡፡ ይህ ሊለወጥ የሚገባ አስተሳሰብ ነው “ ብላለች ፡፡
ሊሻን ዳኜ / ሸዋንግዛው ወጋየሁ
ልደት አበበ
Comments
In Channel
Download from Google Play
Download from App Store
United States00:00
00:00
x
