Сёлета атрымаўся вельмі прадуктыўны год, кажа рэдактар лонданскага выдавецтва «Скарына» Ігар Іваноў, якое працуе крыху больш за тры гады. Свае навінкі выдавецтва прадставіла і на фестывалі інтэлектуальнай кнігі “Прадмова”, што ладзіўся на выходных у Вільні.

<figure class="wp-block-image size-large"><figcaption class="wp-element-caption">На фота: Ігар Іваноў злева</figcaption></figure>

Пра літаратуру выдавецтва, якая карыстаецца сёлета найбольшым попытам, распавядае Ігар Іваноў:

-Гэта зборнік артыкулаў з канферэнцыі, якая была прысвечана 140-годдзю з дня нараджэння Вацлава Ластоўскага. Потым мы зрабілі новае выданне твораў Палуты Бадуновай. Яна пакінула крыху публіцыстыкі, пераклад дзіцячых казак ірландскіх. У нас вельмі папулярная цяпер кніга “Дубовыя яблычкі” Вольгі Касцюк. І яшчэ адно новае наша выданне – пераклад твораў Маргарыты Юрсенар.

Як зазначае Ігар Іваноў, у хуткім часе, прынамсі сёлета, іх выдавецтва выпусціць зборнік вершаў Ларысы Геніюш, якія яна напісала перад самым сваім арыштам у 1948 годзе.

-Мы ўжо другі год працуем над зборнікам вершаў Ларысы Геніюш. Рукапіс знаходзіцца ў Лондане ў Скарынаўскай бібліятэцы. Ён выходзіў у машынапісным варыянце ў 1992 годзе. Ён не быў дасканала расчытаны тады і таксама не было тэхналогіяў, каб выдаць яго прыгожа. А цяпер мы можам зрабіць факсімільнае выданне, мы па-новаму расчыталі, зрабілі новыя каментары, па-новаму адрэдагавалі цалкам усе тэксты.

Паводле Ігара іванова, гэта будзе адначасова і паэтычны зборнік, які можна будзе чытаць, ён будзе добра адрэдагаваны, але з іншага боку – крыніца для далейшых выданняў гэтых тэкстаў, калі б іншыя выдавецтвы захацелі б па-іншаму адрэдагаваць, таму што яны змогуць пабачыць факсімільнае ўзнаўленне ўсіх старонак.

Цалкам матэрыял:

<figure class="wp-block-audio"></figure>



<figure class="wp-block-image size-large"></figure>



<figure class="wp-block-image size-large"></figure>

Беларускае Радыё Рацыя

The post “Сёлета атрымаўся вельмі прадуктыўны год” appeared first on Рацыя.