Í Lestinni í dag verður þess meðal annars minnst að um þessar mundir eru 40 ár liðin frá því að pönkbylgjan hófst, tónlistarstefna sem hafði mikil áhrif á sínum tíma, þótt líftími hennar væri ekki langur. Einar Örn Benediktsson tónlistarmaður rýnir í pönkið í Lestinni í dag, og svarar spurningum um það hvers vegna það kom til, og hverju það breytti. Halldór Armand Ásgeirsson rithöfundur flytur sinn fyrsta pistil í Lestinni í dag, hugað verður að appi dagsins, og sagt frá plötunni Hopelessness með ensku tónlistarkonunni Anohní, en platan hefur vakið mikla athygli að undanförnu, ekki síst fyrir beinskeytta texta. Lestin brunar einnig alla leið til Hríseyjar, þar sem Laumulistasamsteypan hefur aðsetur.