Í lestinni í dag verður meðal annars efnt að gefnu tilefni til umræðu um fjölmiðla á Íslandi, rætt um stöðu þeirra, styrk, og veikleika. App dagsins verður kynnt, fastur liður í lestinni, en það hjálpar konum að fylgjast með tíðahringnum. Lestin hugar einnig að hlaðvarpinu, sem breytt hefur útvarpshlustun á undanförnum misserum og árum, mælt verður með áhugaverðum þáttum sem þar er hægt að nálgast, og hlusta á hvenær sem fólki hentar. Einnig verður sagt frá væntanlegri útgáfu sem hefur meðal annars að geyma áður óheyrðar upptökur með bandaríska jazztónlistarmanninum Miles Davis og kvintett hans, sem starfræktur var á sjöunda áratugnum, og þykir einn af þeim betri í gjörvallri sögu jazztónlistar.