У Празе з 24 па 26 кастрычніка будзе праходзіць фестываль інтэлектуальнай кнігі “Прадмова”. Гэта другі па ліку горад, пасля Вільні, які прымае літаратурны фэст. Партнёрамі пражскай праграмы PRADMOVA з’яўляюцца “Беларускі інстытут у Празе” і “Грамадскае аб’яднанне “Пагоня”.

<figure class="wp-block-image size-large"><figcaption class="wp-element-caption">Ціхан Чарнякевіч</figcaption></figure>

Як кажа прэс-сакратар Міжнароднага саюза беларускіх пісьменнікаў Ціхан Чарнякевіч, было вельмі шмат заявак з розных гарадоў і было складана ўсе іх задаволіць з-за абмежавання рэсурсаў. Сёлета Берлін, напрыклад, змяніла Прага, бо там вельмі актыўная супольнасць.

– Мяняюцца гарады, летась быў Берлін, сёлета няма Берліна. Але гэта залежыць ад беларускіх асяродкаў. Вельмі шмат было просьбаў правесці фестываль менавіта ў гэтых гарадах, і арганізатары ідуць на запыт аўдыторыі. Таму што людзі хочуць пабачыць паэтаў, пісьменнікаў, музыкаў, купіць кнігі, зладзіць штосьці сваё падчас гэтага фестывалю – і ў Празе, і ў Познані, і ў Варшаве.

У межах фестывалю “Прадмова” ў Празе адбудуцца прэзентацыі кніг, дыскусіі, у тым ліку на тэму”Беларусь і Чэхія ва ўзаемных уяўленнях”, творчы вечар Андрэя Хадановіча, канцэрт гурта BosaeSonca ды іншае.

Лозунг сёлетняга фестывалю “Прадмова” ва ўсіх чатырох гарадах, у тым ліку і Празе, – “Птушкі без гнёздаў”.

Цалкам матэрыял:

<figure class="wp-block-audio"></figure>



<figure class="wp-block-image size-large"></figure>

Беларускае Радыё Рацыя

The post Ціхан Чарнякевіч: “Прадмова” з Вільні едзе ў Прагу appeared first on Рацыя.