Мігранцкі крызіс на мяжы Беларусі з Польшчай мог быць справакаваны рэжымам Лукашэнкі, каб ускладніць жыццё беларускім палітычным уцекачам. Такое меркаванне ў эфіры Рацыі выказаў старшыня фонду «Тутака» Павел Станкевіч:

<figure class="wp-block-image size-full"><figcaption class="wp-element-caption">Павел Станкевіч</figcaption></figure>

– Была велізарная хваля міграцыі з Беларусі грамадзян Беларусі, якія ўцякалі па палітычных прычынах. І гэта была такая спроба, каб гэта зраўняць. Калі польскія СМІ пастаянна заліваюць хвалі інфармацыі, што зноў з Беларусі спынена ці не спынена наступная спроба нелегальнай міграцыі, вядома, хтосьці не паглыбляецца ў дэталі, у яго проста ўзнікае вельмі простае параўнанне: мігрант з Беларусі – нелегальны мігрант.

З іншага боку стаўленне да мігрантаў у Польшчы мяняецца з-за ўнутранае палітыкі, заўважае Павал:

– Вельмі часта вось гэтая тэма мігрантаў, перад усім мы кажам пра мігрантаў з Украіны, уплывае на польскую палітыку, з’яўляецца такім інструментам, каб прыцягнуць да сябе выбарцаў. Няма ў польскім грамадстве адрознення, калі хтосьці размаўляе па-беларуску, па-ўкраінску, па-расейску. А большасць грамадзян ці Беларусі, ці Украіны размаўляе па-расейску, таму заўсёды беларусы трапляюць у гэты ж самы мех.

Нагадаю, масавая міграцыя беларусаў у Польшчу пачалася пасля палітычных пратэстаў 2020 году. Мігранцкі крызіс на межах краін Еўразвязу з Беларуссю з удзелам прадстаўнікоў Афрыкі і Блізкага Ўсходу трывае з 2021 году. З 2022 году Польшча пачала прымаць ваенных уцекачоў з Украіны.

Цалкам гутарка:

<figure class="wp-block-audio"></figure>

Беларускае Радыё Рацыя

The post “Тэма мігрантаў у Польшчы – інструмент прыцягнення выбарцаў” appeared first on Рацыя.