Украінскія медыя змагаюцца на інфармацыйным полі з расейскай прапагандай. І вялікая роля ў гэтым належыць прыфрантавой друкаванай прэсе, якая з’яўляецца часам адзіным інфармацыйным каналам для жыхароў гэтай зоны.

<figure class="wp-block-image size-large"><figcaption class="wp-element-caption">Кіраўнік Нацыянальнага саюза журналістаў Украіны Сяргей Таміленка </figcaption></figure>

Нягледзячы на тое, што Расея падчас вайны з Украінай на прапаганду выдаткоўвае вялікія грошы, кіраўнік Нацыянальнага саюза журналістаў Украіны Сяргей Таміленка не лічыць, што яна перамагае ўкраінскія медыя.

– Мы сапраўды кажам, што расейская прапаганда таксічная, і яна маштабная. Яна відавочна пайшла на спад, калі зацямніла міскі расейцаў на расейскай тэрыторыі. Але я лічу, што яна б перамагла, калі б украінцы паверылі ў гэтую прапаганду, спажывалі яе і шукалі. На самой справе яна проста абапіраецца на расейскія штыкі, а не на жаданне ўкраінцаў ці людзей дэмакратычнага свету спажываць гэтую інфармацыйную хлусню, якую яна генеруе.

<figure class="wp-block-image size-full"><figcaption class="wp-element-caption">Вікторыя Рошчына. Фота: investigator.org.ua</figcaption></figure>

Часам змаганне на інфармацыйным полі з расейскай прапагандай каштуе некаторым украінскім журналістам жыцця. Усім вядомы кейс Вікторыі Рошчынай, якая загінула ў расейскім палоне.

Паводле Сяргея Таміленкі, яны падтрымалі ініцыятыву па наданні ёй звання “Героя Украіны”.

– Прэзідэнтам прынята рашэнне пра ўручэнне ёй пасмяротна іншай прэстыжнай аўтарытэтнай узнагароды  – Ордэна Свабоды. Адначасова бацькі настойваюць на прызнанні яе подзвігу. Мы падтрымліваем яе родных і грамадства наконт таго, што павінна годна быць ушанаваная памяць Вікторыі Рошчынай, але тым не менш і Ордэн Свабоды – гэта высокая дзяржаўная ўзнагарода.

Нагадаем, украінская журналістка Вікторыя Рошчына летам 2023 года адправілася на акупаваныя Расеяй тэрыторыі, каб асвятляць сітуацыю. Пасля трапіла ў расейскі палон і была там закатаваная. Цела журналісткі без часткі ўнутраных органаў вярнулі ва Украіну ў лютым 2025 года.

Цалкам матэрыял:

<figure class="wp-block-audio"></figure>



<figure class="wp-block-image size-large"><figcaption class="wp-element-caption">Сяргей Таміленка паказвае прыфрантавую прэсу</figcaption></figure>

Беларускае Радыё Рацыя

The post Сяргей Таміленка: Расейская прапаганда абапіраецца на штыкі appeared first on Рацыя.