یوئێل ٢: ١٢ - ١٥

• 12یەزدان دەفەرموێت: «بەڵام ئێستا،
• بە هەموو دڵتانەوە بگەڕێنەوە لام،
• بە ڕۆژووگرتن و گریان و شیوەن گێڕانەوە.»
• 13دڵتان دابدڕن نەک جلەکانتان،
• بگەڕێنەوە لای یەزدانی پەروەردگارتان،
• چونکە میهرەبان و بە بەزەییە،
• پشوودرێژە،
• خۆشەویستییە نەگۆڕەکەی زۆرە،
• لە خراپە پاشگەز دەبێتەوە.
• 14کێ دەزانێت؟ ڕەنگە بگەڕێتەوە و پاشگەز بێتەوە،
• لەپاش خۆیەوە بەرەکەت بەجێبهێڵێت،
• بۆ پێشکەشکراوی دانەوێڵە و شەراب
• بۆ یەزدانی پەروەردگارتان.
• 15لە سییۆن فوو بە کەڕەنادا بکەن،
• ڕۆژووگرتنێک ڕابگەیەنن،
• بۆ کۆبوونەوەیەکی پیرۆز بانگیان بکەن.