Паводле звестак украінскага дзяржаўнага праекта «Хачу жыць», на вайне супраць Украіны загінулі як мінімум 314 грамадзян Беларусі, якія служылі ў складзе расейскіх войскаў. Усяго было ідэнтыфікавана 1338 беларусаў, што ўдзельнічалі ў баявых дзеяннях на баку Расеі: такім чынам, кожны чацвёрты з іх не вярнуўся з фронту.

<figure class="wp-block-image size-full"></figure>

Сітуацыю каментуе прадстаўнік Аб’яднанага пераходнага кабінета па абароне і нацыянальнай бяспецы Вадзім Кабанчук:

-Гэтыя людзі, на жаль, падманутыя ідэяй “рускага свету”. Большую частку з іх складаюць гастарбайтэры з Усходу, якія працавалі на розных прадпрыемствах у Расеі і яны проста даведаліся пра гэтыя вярбовачныя цэнтры, пра магчымасць зарабіць адносна вялікія для іх грошы. Фігуруюць такія ідэі пра паспяховасць СВО, што там можна зарабіць лёгкія грошы.

Паводле незалежных расследаванняў, толькі з красавіка 2023 па май 2024 года Расея завербавала не менш за паўтары тысячы замежнікаў з 48 краін, у тым ліку з Беларусі. Большасць з іх падпісвалі кантракты праз маскоўскі адборны цэнтр, часта пад прымусам або праз фінансавыя цяжкасці.

Цалкам гутарка:

<figure class="wp-block-audio"></figure>

Беларускае Радыё Рацыя

The post Кожны чацвёрты беларус, які ваюе на баку РФ, загінуў ва Украіне appeared first on Рацыя.