Кіраўніца дэлегацыі дэмакратычных сіл Беларусі ў Парламентскай Асамблеі Рады Еўропы Аляксандра Мамаева правяла сустрэчу з бельгійскімі дэпутатамі, падчас якой абмеркавалі пытанне магчымасці прызнання пашпартоў, якія выдаюцца беларусамі за мяжой, у Бельгіі.

<figure class="wp-block-gallery has-nested-images columns-default is-cropped wp-block-gallery-2 is-layout-flex wp-block-gallery-is-layout-flex">
<figure class="wp-block-image size-large"><figcaption class="wp-element-caption">Фота: belarus-passport</figcaption></figure>
</figure>

Па словах Аляксандры Мамаевай, бакі дамовіліся даслаць неабходныя дакументы і працягнуць працу ў гэтым накірунку.

-Цікавасць была на гэтай сесіі, больш за ўсё была менавіта ад бельгійскай дэлегацыі. Адзін з дэлегатаў прадстаўляе Фландрыю, якая вельмі падтрымлівае беларускі дэмакратычны рух. Гэтыя дакументы яны далей будуць перадаваць у свае ўрады – МУС, МЗС і спрабаваць, каб там гэтае пытанне нейкім чынам вырашылася. Бо гэта палітычная воля гэтай краіны.  

Па словах Мамаевай, Еўрапейскі Звяз пакуль не гатовы прызнаць пашпарт Новай Беларусі, аднак ёсць магчымасць, каб хаця б адна краіна еўрапейскай супольнасці зрабіла гэта. Гэта можа стаць першым крокам да пашырэння працэсу прызнання на ўсю еўразону, а беларусы ў выгнанні атрымаюць неабходны легальны дакумент.

Замовіць пашпарт  Новай Беларусі можна на сайце: belarus-passport.com.

Цалкам гутарка:

<figure class="wp-block-audio"></figure>

Беларускае Радыё Рацыя

The post Ці гатова Бельгія прызнаць пашпарты Новай Беларусі?  appeared first on Рацыя.