Claim OwnershipTengivagninn
Subscribed: 56Played: 232
Subscribe
© RÚV
Description
Í Tengivagninum er fjallað um það helsta sem er að gerast í menningu í sumar.
152 Episodes
Reverse
a. Eilítið um stef þáttarins sem er Succotosh með Herbie Hancock. b. Brot úr safni: Helgi Hjörvar talar um þáttagerð úr safninu Um daginn og veginn frá árinu 1959 c. Rætt við Hörpu Þórsdóttur safnstjóra Listasafns Íslands. d. Rætt við Ólaf Pál Jónsson heimspeking um náttúru og hugsanir mannins um hana í gegnum tíðina. e. Moli um tappa fyrir skrúfur í vegg. f. Kristrún Halla Helgadóttir segir frá grein sinni í Sögu um manntalið 1729 og fyrirætlanir um fólksflutninga til Grænlands á þeim árum.
a. Ingibjörg Fríða Helgadóttir og Sigurður Ingi Einarsson um þjóðlög og hvort það sé hægt að semja ný slík lög. b. Brot úr þættinum Sódóma Reykjavík - borgin handan við hornið frá 1995.. Þar var m.a. sagt frá og lesið upp úr Stálnótt eftir Sjón sem nú er koimin út sem rafbók 30 árum eftir útgáfu. c. Fjallað um sýningu á mystískum symbolisma í Guggenheim safninu í New York og forsprakka Salóns rósarinnar og krossins Joséphin Péladan. d. Fjallað stuttlega um tyggjó. e. Kristín Halla Baldvinsdóttir segir frá ljósmyndum Björns Björnssonar sem nú eru til sýnis í Þjóðminjasafni Íslands. LAG: Ökuljóð með Stefán Íslandi. f. Þorgeir Kjartansson, formaður Fornbílaklúbbs Íslands, er spurður um starfsemi klúbbsins.
a. Brot úr þættinum Vikan sem var frá 1974 þar sem rætt er við hjónin Þorkel Helgason og Helgu Ingólfsdóttur um sembalsmíði. Sumartónleikar í Skálholti hefjast um helgina. b. Fjallað um rússíbana og sögu þeirra. c. Ragnhildur Hólmgeirsdóttir fjallar í pistli um einangrun Ísland fyrr á öldum. d. Hringt í Kristberg Ó Pétursson myndlistarmann sem er að fara að sýna verk sem eiga sér 15 ára sögu frá því hann var gæslumaður í fuglafriðlandi. e. Rætt við Silje Beite Løken um metsölubókina Hel Ved eftir norska rithöfundinn Lars Mytting sem fjallar á afar lýsandi hátt um skógarhögg, hvernig skal þurrka og stafla eldivið. Einnig verður hugað að einveru mannsins í skóginum. Tónlist: Víkingur Heiðar Ólafsson - Etíða nr. 3 eftir Phlip Glass Lou Reed - Coney Island Baby.
a. fjallað um Hobby Lobby, bandarískt hannyrðafyrirtæki, biblíuhandrit og menningarminjar frá Írak. b. Sigrún Alba Sigurðardóttir segir frá bók sem hún og ljósmyndarinn Daniel Reuter hafa gefið frá sér um íslenskan arkitektúr á 21. öld. c. fjallað um frisbiediskinn og sögu hans. d. brot úr þætti Valgerðar Benediktsdóttur frá 1989 um hrekki og spaug. Saga sögð að Guðna Guðmundssyni rektor MR. e. Halla Harðardóttir fjallar um Esjuna, fjall vikunnar í Tengivagninum. Viðmælendur: Guðbjörg Hreinsdóttir umhverfisheimspekingur, Dagný Heiðdal listfræðingur, Sigurlaug María Hreinsdóttir, jarðfræðingur, Sigurður Jóhannesson hagfræðingur og Hulda Rós Guðnadóttir myndlistarkona. Raggi Bjarna syngur Vorkvöld í Reykavík.
Tengivagninn í dag kl. 17 er helgaður engum öðrum en galdrastráknum geðþekka Harry Potter! Í júnímánuði síðastliðnum var haldið upp á afmæli ævintýraheimsins sem J.K. Rowling opnaði fyrir lesendum um allan heim fyrir 20 árum. Viðmælendur í þættinum eru Harry Potter aðdáendurnir Ari Páll Karlsson og Bryndís Ósk Ingvarsdóttir, Hildur Knútsdóttir rithöfundur og bókmenntafræðingur og Díana Sjöfn Jóhannsdóttir bókmenntafræðingur.
Valgerður Þóroddsdóttir, Marteinn Sindri Jónsson og Kristján Guðjónsson segja frá Fræjum, nýrri ritröð sem bókaútgáfan Partus sendir nú frá sér. Við fræðumst um upptakarann. Helga Gestsdóttir, fornleifafræðingur verður á línunni frá Dysnesi, þar sem uppgröftur er í fullum gangi. Fjallað verður um ítalska hljómsveitarstjórann Toscanini, í tilefni þess að 150 ár eru liðin frá fæðingu hans og við dustum rykið af Skólaljóðunum.
Við skoðum sögu rennilássins, rifjum upp þegar kista Páls Jónssonar biskups var grafin upp og opnuð árið 1954, skoðum hvernig málstöðlun á 19. öld hafði áhrif á seinni útgáfu Pilts og stúlku eftir Jón Thoroddssen og hvernig sú útgáfa hafði síðan áhrif á talað mál á Íslandi við horfum til sagnfræðihátíðar í Bretlandi, sem vakti umræðu um skort á fjölbreytni í sagnfræðideildum breskra háskóla. Ásgeir H. Ingólfsson flytur okkur bíópistil en rödd sænska stórleikarans Mikaels Nykvist ómaði af gamalli upptöku í hans fórum, honum til mikillar undrunar og gleði.
Fjallað verður um nýlega bók bandaríska sagnfræðingsins Timothy Snyder sem ber nafnið On Tyranny, eða Um alræði, en Snyder verður gestur á Bókmenntahátíð í Reykjavík í haust. Í bókinni skoðar Snyder tilurð harðstjórnar og einræðis í samhengi við örlagaatburði 20. aldar og þann lærdóm sem draga má af þeim. Rifjað verður upp þegar stytta af Snorra Sturlusyni var afhjúpuð í Reykholti fyrir 70 árum og rætt við Vöndu Sigurðardóttur um kvennaknattspyrnu á Íslandi. Vanda Sigurgeirsdóttir, lektor í tómstunda- og félagsmálafræði við Háskóla Íslands og fyrrverandi landsliðskona og þjálfari í knattspyrnu, kom og fræddi okkur um sögu knattspyrnu kvenna. Ragnhildur Hólmgeirsdóttir fjallar í pistli um menntun kvenna og afrek þeirra í gegnum aldirnar.
Fjallað verður um stóra sýningu á verkum hollenska listamannsins Piet Mondrian sem nú er uppi í Den Haag í Hollandi í tengslum við hundrað ára afmæli De Stijl hreyfingarinnar. Halla Harðardóttir hugar að fjalli vikunnar sem að þessu sinni er sjálf Hekla og ræðir við þá sem þekkja til fjallsins og hafa tengst því. Litið verður til kvikmyndaiðnaðarins í Los Angeles en Hollywood skiltið var formlega afhjúpað þennan dag fyrir 94 árum. Einnig verður stokkið aftur í tímann og kíkt í Lyfjabúðina Iðunni árið 1957.
Herbie Hancock er einn þekktasti tónlistarmaður Bandaríkjanna og meðal stærstu nafna djasstónlistarinnar. Hann er á leiðinni til Íslands, heldur tónleika í Hörpu 20. júlí. Tengivagninn í dag er helgaður meistara Herbie Hancock sem verður á línunni úr tónleikarútunni...
a. sagt frá bók Más Jónssonar Fyrirfundnir fémunir í Vestmannaeyjum á fjórða áratug 19. aldar. Þar eru birtar skrár yfir eigur fólks þegar það lést. b. sagt frá Pezkarlinum. c. brot úr erindi Jónasar Þorbergssonar, fyrsta útvarpsstjórans, sem hann kallaði Brotalöm íslenzkra sögutengsla. Í brotinu fjallar hann um skólaleiða og myndanotkun við kennslu. d. Rætt við Kristinn Guðmundsson sem heldur út matreiðsluþáttunum Soð á Youtube og Facebook um belgíska matargerð.
a. Aðalheiður Eysteinsdóttir segir frá Alþýðuhúsinu á Siglufirði þar sem hún býr og heldur úti menningarstarfsemi. b. sagt frá bók Thomasar Dworzak ljósmyndara hjá Magnum sem er eins konar leiðarvísir um Evrópu fyrir flóttafólk. c. tilkoma dómaraflautunnar rifjuð upp. d. brot leikið úr þætti Berljótar Baldursdóttur og Jóhönnu Harðardóttur um íslenska fjárhundinn. Þátturinn hét Hann er gersemi og var á dagskrá 1995. e. rætt við Guðjón Ketilsson myndlistarmann sem sýnir i Alþýðuhúsinu á Siglufirði. f. Ásgeir H. Ingólfsson flytur pistil um kvikmyndir, Beckett og Bergman og ræðir við Elsu Maríu Jakobsdóttur kvikmyndagerðarkonu um stuttmynd hennar, Atelier, sem sýnd var á Karlovy Vary.
a. Fjallað sýndarveruleika og söguupplifun, sem er til umræðu á vef BBC. b. Brot úr þætti Guðmundar Jónssonar um fyrstu 50 ár skátahreyfingarinnar hér á landi. Benedikt Waage og Páll Kolka segja frá fyrstu árunum. c. Sagt frá uppruna innkaupakerrunar. Lag: Humpty Dumpty með Ornette Coleman. d. Ragnhildur Hólmgeirsdóttir fjallar í pistli um Meykónga og riddara. e. Fjallað um tónskáldið Max Richter og tónlist hans við dansverk sem er innblásið af Virginiu Wolf.
- Hringt verður norður á land, í Finn Arnar myndlistarmann, sem er sýningarstjóri listasýningarinnar „Ekkert jarm“ sem sett er upp í fjárhúsi á bænum Kleifum rétt við Blönduós. - Saga diskókúlunnar verður reifuð. - Haldið verður áfram með umfjöllun um bókina On Tyranny eða Um alræði eftir Timothy Snyder sem fjallar um alræði í sögulegu samhengi. - Einnig heyrist brot úr símatíma í útvarpinu árið 1983 þar sem Stefán Jón Hafstein stýrði umræðum en gestir hans voru Þorvaldur Kristinsson og Guðni Baldursson. Guðni var fyrsti formaður Samtakanna '78 en hann lést á heimili sínu 7. júlí síðastliðinn. - Halla Harðardóttir er að skoða nokkur af helstu fjöllum landsins hér í Tengivagninum. Fjall vikunar er sjálf drottningin Herðubreið. Að lokum verður gripið niður í útsendingu útvarpsins þegar maður steif á tunglið í fyrsta sinn þann 20. júlí 1969.
Tengivagninn er að þessu sinni helgaður rússnesk-íslenska píanistanum og hljómsveitarstjóranum Vladimir Ashkenazy, en hann var áttræður fyrr í mánuðinum. Gramsað verður í hljóðritasafni Ríkistúvarpsins og gluggað í ævisögu tónlistarmannsins. Umsjónarmenn: Guðni Tómasson og Jóhannes Ólafsson
- Tengivaginn kynnir sögulegu kvikmyndina Dunkirk eftir leikstjórann Christopher Nolan er nú komin í íslensk kvikmyndahús. - Gripur dagsins er lyklakippuhringurinn og verður saga hans og eðli skoðuð. - Við heyrum brot úr sögunni þegar deilt var um hvort ætti að þúa eða þéra á Íslandi árið 1958. - Sagt verður frá því að rokkstjarnan Alice Cooper var að taka til í geymslunni og fann upprunalegt listaverk eftir Andy Warhol og verður verkið skoðað. - Og hugað verður að borgum og borgarhlutum í tónlist og hvernig það hefur áhrif á hegðun tónleikagesta. Umsjónamenn: Guðni Tómasson og Jóhannes Ólafsson
- Fjallað verður um japanska listamanninn Hokusai en nú stendur yfir stór sýning í breska þjóðarsafninu, British Museum, í London þar sem sjá má verk hans. - Hlaupahjólið er gömul aðferð til þess að ferðast á milli staða, saga þess er reifuð í dag. - Við grípum niður í útvarpið árið 1958 þar sem málsmetandi aðilar tókust á um ágæti abstraktlistar í þættinum Spurt og svarað. - Í þessum mánuði fyrir heilli öld síðan stóð fyrri heimsstyrjöldin sem hæst. Fjallað verður um stríðið, ekki síst í ljósi frægs bréfs sem breska ljóðskáldið Siegfried Sassoon skrifaði og lýsti andófi sínu á hernaðarbröltinu. - Og við heyrum í Ásgeiri H. Ingólfssyni sem hefur verið með kvikmyndapistla í Tengivagninn að undanförnu. Hann er nýkominn frá kvikmyndahátíðinni í Karlovy Vary og ætlar víða í pistli dagsins. Umsjónarmenn: Guðni Tómasson og Jóhannes Ólafsson.
- Rætt við Sigrúnu Helgadóttur, líffræðing, sem fræðir okkur um sögu náttúruverndar bæði erlendis og hér heima. - Fjallað um tónleika sem tónskáldið Igor Stravinsky hélt í Suður-Afríku á tímum aðskilnaðarstefnunnar. - Ræða úr safni Ríkisútvarpsins um framtíð og fortíð sunnlenskra sveita. - Saga hinnar sterku Tabasco sósu. - Ragnhildur Hólmgeirsdóttir sagnfræðingur flytur okkur pistil um holdsveiki á miðöldum.
- Fjallað verður um heimssöguna í tólf kortum út frá bók eftir Jerry Brotton um efnið. - Umfjöllun úr safni Ríkisútvarpsins af för Kristins Guðmundssonar, bónda á Mosfelli, um Reykjavík og Þingvelli þar sem hann hitti fyrir konung og danska aðalsmenn. - Sagt verður frá sögu Bloomsbury hópsins í Bretlandi á fyrrihluta 20. aldar, dvöl hans í sveitasetrum og blómarækt. - Saga lava-lampans verður sögð. - Halla Harðardóttir segir frá fjallinu Lómagnúpi í fjalli vikunnar.
Tengivagninn í dag er helgaður þremur frábærum fjöllum: Esju, Heklu og Herðubreið. Gripið er niður í hljóðritasafni Ríkisútvarpsins og rætt við fólk sem þekkir vel til fjallanna og tengist þeim tilfinningaböndum með einum eða öðrum hætti. Umsjónarmaður Tengivagnsins í dag er Halla Harðardóttir.
Comments
Download from Google Play
Download from App Store
United States