У цэнтры Беластоку ў скверы кс. Ежы Папялушкі прайшла традыцыйная акцыя салідарнасці з палітзняволеным у Беларусі журналістам і актывістам Саюза палякаў на Беларусі, а зараз і – лаўрэатам прэстыжнай Прэміі «За свабоду думкі» імя Андрэя Сахарава – Анджэем Пачобутам. На жаль сам Анджэй сустракае сваё прызнанне ў «памяшканні камернага тыпу» Наваполацкай калоніі.

<figure class="wp-block-image size-large"></figure>

Гавораць удзельнікі акцыі салідарнасці з палітзняволеным:

– На працягу ўсяго тэрміну, падчас якога ён знаходзіцца за кратамі ў Наваполацку, утрымліваецца ў тым самым памяшканні, час ад часу трапляе ў ШІЗА, яму адмоўлена ў спатканнях з роднымі і ў атрыманні харчовых перадач. Для яго ўсё абмежавана, як для вязня, які не падпарадкоўваецца адміністрацыі той калоніі.

– Мы хочам нагадаць перш з ўсё людзям, якія знаходзяцца тут, у Беластоку, што за некалькі дзясяткаў кіламетраў адсюль усё яшчэ існуе дыктатура, і ўсё яшчэ сядзяць у турмах і Анджэй Пачобут, і іншыя журналісты, і іншыя людзі, якія ні ў чым не вінаватыя – ні перад законам, ні перад уласным сумленнем, ні перад іншымі людзьмі. Можа быць вінаваты толькі перад дыктатарам.

– Гэта гонар не толькі для Беларусі, але і для Польшчы, для ўсёй нашай грамадзянскай супольнасці і для нашай агульнай беларуска-польскай салідарнасці. Таму не здаемся, не губляем надзею, не губляем веры ў тое, што праўда ўрэшце возьме верх, а яна заўсёды ў гісторыі, так адбываецца, бярэ верх. Жыве Беларусь! Niech żyje Polska!

У гэтым годзе Еўрапарламент уганараваў Прэміяй «За свабоду думкі» імя акадэміка Андрэя Сахарава таксама і грузінскую журналістку Мзію Амаглабелі. Удзельнікі акцыі салідарнасці ў Беластоку выказалі надзею, што 16 снежня гэтую ганаровую адзнаку лаўрэаты атрымаюць асабіста ў рукі.

Цалкам матэрыял:

<figure class="wp-block-audio"></figure>



<figure class="wp-block-image size-large"></figure>



<figure class="wp-block-image size-large"></figure>



<figure class="wp-block-image size-large"></figure>



<figure class="wp-block-image size-large"></figure>



<figure class="wp-block-image size-large"></figure>



<figure class="wp-block-image size-large"></figure>



<figure class="wp-block-image size-large"></figure>



<figure class="wp-block-image size-large"></figure>

Юрась Дзяшук, Беларускае Радыё Рацыя

The post “Гэта гонар не толькі для Беларусі, але і для Польшчы” appeared first on Рацыя.