16 лістапада беларусы Варшавы выйшлі на чарговую акцыю салідарнасці з палітвязнямі.

<figure class="wp-block-image size-large"><figcaption class="wp-element-caption">Васіль Плешкуноў</figcaption></figure>

Галоўнай падзеяй акцыі стала ўзнагарода ў Дзень Незалежнасці журналіста-палітвязня Анджэя Пачобута Ордэнам Белага Арла, гаворыць арганізатар акцыі, сябра грамадскай арганізацыі «Беларусы Варшавы» і Асацыяцыі беларускіх палітвязняў «Да Волі» Васіль Плешкуноў:

– Прэзідэнт Польшчы Караль Наўроцкі ўганараваў вышэйшай польскай узнагародай Ордэнам Белага Арла гарадзенскага журналіста, грамадскага актывіста, публіцыста, на жаль, палітзняволенага Анджэя Пачобута. Пры гэтым прэзідэнт заявіў, што кожны дзень, праведзены палітвязнем у турме, – гэта перамога дабра на злом.

<figure class="wp-block-image size-large"><figcaption class="wp-element-caption">Вячаслаў Сіўчык</figcaption></figure>

Удзельнікі акцыі таксама выказвалі пратэст супраць рэпрэсій мірных людзей у Беларусі, а лідар Руху Салідарнасці «Разам» Вячаслаў Сіўчык нагадаў прысутным пра чорную дату 24 лістапада 1996 года – другі лукашэнкаўскі рэферэндум:

– Гэтым рэферэндумам практычна ўсіх грамадзян Рэспублікі Беларусь лукашэнкаўскі рэжым пазбавіў нават элементарных правоў і свабодаў. Самае страшнае – народ быў пазбаўлены права выбіраць уладу.

“Акцыя была зусім нешматлюднай. Беларусы працуюць, стамляюцца за тыдзень, але колькі б нас тут ля помніка Каперніка не было, мы будзем выходзіць да вызвалення апошняга палітвязня,” – кажа Васіль Плешкуноў. Акцыя скончылася агульным здымкам.

<figure class="wp-block-image size-large"></figure>

Цалкам матэрыял:

<figure class="wp-block-audio"></figure>



<figure class="wp-block-image size-large"></figure>



<figure class="wp-block-image size-large"></figure>



<figure class="wp-block-image size-large"></figure>



<figure class="wp-block-image size-large"></figure>



<figure class="wp-block-image size-large"></figure>

Беларускае Радыё Рацыя

The post Акцыя салідарнасці з палітвязнямі ў Варшаве appeared first on Рацыя.